離職前10句不能講 最怕兩頭唔到岸

離職前10句不能講  最怕兩頭唔到岸

今年唔少人職場上都有變動，但同往年唔同嘅係，如果你轉唔成工，咁嘅市，就好難搵過第二份，仲要俾本身個老細炒埋﹗所以，轉工一定要十拿九穩。

有見及此，不如我哋一齊睇睇，離職前有啲乜嘢，你係一定唔可以講，講咗，就會兩頭唔到岸。

2016年轉工，10句不能說的話：

1. 「你畀咁多嘢我做，人工又低，所以咪走。」

真正原因不能說出口。

2. 「真係好對唔住你。」

轉工唔好道歉，免得對方真係以為你欠咗佢。

3. 「我去『對面』返工。」

老細隨時打個電話，就斷你米路。

4. 「之後有咩幫手都可以隨時call我。」 

你要時間開展新工作，舊老細如果真係搵你，你會唔會真係有時間做？

5. 「我幫你簽。」 

簽任何離職文件前，最好先問下人。

6. 「呢幾位同事一早知我搵緊工。」 

其實係想問你，有邊啲同事，原來有異心。

7. 「阿頭同我傾過。」 

唔好同HR或老細講，你同啲咩人傾過你走嘅事，當中嘅bargain，愈少人知愈好。

8. 「我搵咗工半年。」

唔好同人透露，你其實做咗戲半年。

9. 「新公司仲請緊人，過來嗎？」 

自己新工未穩陣，就唔好講咁多。

10. 「走唔走，等我考慮下。」

跳草裙舞，預咗要還。