单身会更成功吗

現代職場男女故事總係話，有花收有情人嘅打工仔，就係人生大贏家。但有時候金科玉律都未必啱晒，其實無花收，都唔使灰心，因為情人節之後，隨時係單身人士發圍時間，單身打工仔「一支箭」，會比「兩支箭」較成功。

1. 一個人可以有更多社交

雖然情人或夫婦之間都會互相扶持，但單身打工仔，卻比前兩者更活躍於Office社交，同事關係更緊密，有助升職，亦能透過結識新朋友、同事獲取滿足感，唔一定感到寂寞、孤單。

2. 單身女士薪金較高

外國University of Virginia嘅研究指出，28至30歲嘅女性，平均比同齡已婚女性每年賺多1349美元，44至46歲單身女性則比已婚女性賺多1465美元。不過男士結果掉轉，大家記緊注意。

3. 情人或令你遠離事業目標

自己真正想發展的事業，或會因為你要太早要養家，或太投入維繫一斷關係而有所偏差，甚至會扭曲自己的目標來遷就另一半。（單身打工仔反而可以專心為自己決定一切。

4. 單身可以更自由學習

單身擁有更多時間增值，應付日後工作要求。學習時間亦非常自由。

5. 單身培養EQ助上位

心理學家指出，一般單身打工仔的情緒波動，比正在戀愛或要湊仔養家的較少，有助藉EQ發揮潛力，爭取好表現。

6. 老細眼中你的工作熱誠更濃

女神表面上收花「好有面」，又能夠喺公司製造話題，但長遠會影響老細心目中的專業形象，事實上有不少情侶過節傾向低調，都係唔想招搖，怕老細以及其他部門主管，暗中觀察一舉一動。